بەهۆی کێشەیەکی کۆمەڵایەتیەوە سێ کەس کوژران

SNN

ئەمشەو هەینی، بەهۆی کێشەیەکی کۆمەڵایەتیەوە لە قەزای کفر دوو بنەماڵە شەڕ لەنێوانیاندا دروست دەبێتەوە و سێ ئەندامی یەک بنەماڵە کوژراون.
سێ کەس بەناوەکانی هەندرێن مەدحەت، هیشام مەدحەت و حەمرین هەندرێن، لە ئەنجامی پێکدادانە چەکداریەکەدا، کوژراون.
بەپێی زانیاریەکان لایەنی بەرامبەر هیچ بریندارێکیان نەبراوەتە نەخۆشخانە و تا ئێستا بە فەرمی زیانەکانیان تۆمار نەکراوە، ئێستا دۆخەکە ئارامبووەتەوە و شەڕ کۆتاییهاتووە.
عەلی جەمال قدوری وتەبێژی پۆلیسی گەرمیان بۆ snn رایگەیاند: بەهۆی کێشەی نێوان دووبنەماڵەوە لە کفری سێ کەس کوژراون کە یەکێکیان پێشمەرگەیەکی دێرینە و دووانەکەی تریش برا و کوڕی پێشمەرگە دێرینەکە بوون.
پەڕاوی لێکۆڵینەوە بۆ رووداوەکە کراوەتەوە، لێکۆڵینەوەش بەردەوام دەبێت.