چوار بەرپرسی سوپای پاسداران لە سنوورەکانی نێوان هەرێم و رۆژهەڵاتی کوردستان کوژراون

سوپای پاسداران رایگەیاند لەماوەی 10 رۆژدا چوار بەرپرسی سوپای پاسداران لە سنوورەکانی رۆژهەڵاتی کوردستان و هەرێم لەلایەن گروپێک ئۆپۆزسیۆنی کۆماری ئیسلامی ئێرانەوە کوژراون.

بەشی فارسی ماڵپەڕی بی بی سی بڵاویکردووەتەوە، بەرپرسانی بنکەی سەربازی (حمزە سید شهدا) رایانگەیاندووە، لە پێکدادانێکدا بەرپرسێکی سوپای پاسداران لە شارۆچکەی مەریوان و دوو ئەندامی دیکە لەلایەن گروپە بەرهەڵستکارەکانەوە کوژراون.

ئەو بنکەیەی سەر بە سوپای پاسداران ئاشکرایکردووە کە بەرپرسەکەی سوپا لە مەریوان ناوی (شەکیبا سەلیمی) بووە و فەرماندەی سوپا بووە لە ناوچەکانی دەوروبەری مەریوان.

لە تازەترین پێکدادانیشدا لە نزیک شاری بانە لە ڕۆژهەڵاتی کوردستان ئەندامێکی سوپای پاسداران کوژراوە.

تا ئێستا هیچ لایەنێکی ئۆپۆزسیۆنی ئێران بەرپرسیارێتی خۆی لە رووداوەکە رانەگەیاندووە.