وەرزی بەهارەی پەرلەمان دەستپێدەکات

SNN

ئەمڕۆ دووشەممە پەرلەمانی کوردستان کۆدەبێتەوە و دەست بە وەرزی بەهارە دەکات و پێنج تەوەریش گفتوگۆیان لەسەر دەکرێت.

بەپێی خشتەی کارەکانی پەرلەمان ئەمڕۆ کاتژمێر 11 پەرلەمان کۆدەبێتەوە، دانيشتنەکە لە پێنج تەوەر پێکهاتووە:

یه‌كه‌م: یەك خولەک بێدەنگ وەستان بۆ ڕێزلێنان لەگیانی شەهیدانی كوردستان و عێراق لەگەڵ مارشی نەتەوەیی.

دووه‌م: كردنەوەی خولی بەهارەی ساڵی سێیەم لەخولی پێنجەمی هەڵبژاردن.

سێیەم: وتەی سەرۆكی پەرلەمان بەبۆنەی كردنەوەی خولی بەهارە.

چوارەم: وتەی سەرۆك فراكسیۆنەكانی پەرلەمان بەبۆنەی كردنەوەی خولی بەهارە.

پێنجه‌م: سوێندخواردنی پاڵێوراو هەڵكەوت ئەنوەر خەلیفە لە شوێنی ئومێد عبدالرحمن حسن ناسراو بە ئومێد خۆشناو لە فراکسيۆنی پارتی ديموکراتی کوردستان.