“دەنگدان لەسەر پرۆژەیاسای بودجەی 2021، لە پەرلەماندا بەبێ کورد تێناپەڕێت”

SNN

ئەمڕۆ دووشەممە ئەندامێکی لیژنەی دارایی عێراق رایگەیاند: تێپەڕاندنی بودجە لە ئەنجوومەنی نوێنەرانی عێراق دەبێت رەزامەندی تەواوەی لایەنە سیاسیەکانی پەرلەمانی لەسەربێت پاشان بودجە تێدەپەڕێت.

ناجی سەعیدی ئەندامی لیژنەی دارایی لە ئەنجوومەنی نوێنەرانی عێراق بە میدیا عێڕاقییەکانی راگەیاند: وا پێشبینی دەکرێت دەنگدان لە پرۆژەیاسای بودجەی 2021ی عێراق لە کۆتایی ئەم هەفتەدا دەبێت، جەختیش دەکاتەوە کە پرۆژەیاسای بودجە بەبێ رەزامەنی سەرجەم لایەنە سیاسییەکانی عێراق تێپەڕنابێت.

سەعیدی روونیشیکردەوە، دەنگدان لەسەر پرۆژە یاسای بودجە بە زۆرینە تێپەڕدەبێت لە پەرلەماندا و بەبێ لایەنی کوردیش بودجە لە پەرلەمان تێپەرنابێت، ئەو پەرلەماندا ئەوەشرووندەکاتەوە، لەبەر ئەوەی لیژنەی دارایی هەموو ئەگەرەکانی بودجە یەکلایی کردووەتەوە بۆیە ئەو لەو بڕوایەدا نییە پرۆژەیاسای بودجە لە پەرلەماندا دوابکەوێت و بەڵکو تەنیا بە یەک رۆژ دەنگی لەسەر دەدرێت.