لەماوەی 24 کاتژمێری رابردوودا هیچ کەسێک لە هەرێمی کوردستان تووشی کۆرۆنا نەبووە

وەزارەتی تەندروستی هەرێـم 15ی ئایار ئاماری 24 کاتژمێری رابردوو بڵاودەکاتەوە تێێدا ئاماژە بەوە دەکات کە هیچ کەسێک لە هەرێم تووشی کۆرۆنا نەبووە.

1. کەرەنتین
تاوەکو ئەوڕۆ (10908) هاووڵاتی “ئەوانەی کە لە دەرەوەی ووڵات گەڕانەتەوە وە ئەوانەی کە بەرکەوتەی نەخۆشە چەسپێنراوەکان” کەڕەنتین کراون، لەئێستادا تەنها (1112) هاووڵاتی لە (32) شوێنی جیاوازی کەرەنتین ماونەتەوە؛ (527) لە هەولێر، (185) لە سلێمانی، (399) لە دهۆك، (1) لە ڕاپەرین. وە (9796) هاووڵاتی لە کەرەنتین دەرچوونە و گەڕانەوەتە ناو خانەوادەکانیان دوای تەواو کردنی ماوەی 14 رۆژ وە ئەنجامدانی پشکنینی تاقیگەیی بۆیان وپشتراستکردنەوەی ئەوەی کە هەڵگری ئەو نەخۆشیە نین، لەگەڵ کەڕەنتین کردنی ژمارەیەکی تری هاووڵاتییان لە 24 کاتژمێری ڕابردوودا کە کۆی گشتیان (298) هاووڵاتی بوو.

2. پشکنین
لەماوەی 24 کاتژمێری ڕابردوودا؛ (1157) پشکنین ئەنجام دراوە لەسەر ئاستی هەرێمی کوردستان؛ (471) هەولێر، (495) سلێمانی، (227) دهۆك، (0) هەلەبجە دەرەنجام هیچ تووشبووی نۆێ لە هەرێمی کوردستان تۆمارنەکراوە.
(کۆی گشتی ئەو پشکنینانەی کە ئەنجام دراوە لە سەرەتای سەرهەڵدانی ڤایرۆسی کۆڕۆنا (58563) پشکنین بووە)

3. ئاماری گشتی
کۆی گشتی تووشبووان بە ڤایرۆسی کۆڕۆنای نوێ COVID-19 لە هەرێمی کوردستان (397) تووشبوو، لەنێویاندا (5) مردن هەیە و (379) نەخۆش چاکبووەتەوە، وە ئێستا تەنها (13) نەخۆش لەژێر چاودێری پزیشکی دان.