بەهۆی ئاگرکەوتنەوە لە پاڵاوگەیەکی هەولێر کەسێک گیانی لەدەستدا
بەیانیی ئەمڕۆ لە ڕێی هەولێر- مەخموور، پاڵاوگەیەكی سووتەمەنی ئاگری گرت، بەوهۆیەوە کەسێک گیانی لەدەستدا.
بەرگری شارستانی هەولێر رایگەیاند، بەهۆی کەوتنەوەی ئاگرەکەوە کەسێک گیانی لەدەستداوە کە شۆفێری یەکێک لە تانکەرەکان بووە و ژمارەیەک کەسی دیکەش برینداربوون.
ئاماژەی بەوەشکرد، بەهۆی ئاگرەکەوە دوو تانکەری سوتەمەنی و چوار تانکی لە عەمباری پاڵاوگەکە گڕیان گرتووە و تا ئێستاش ئاگرەکە کۆنتڕۆڵ نەکراوە.
چەند باخ و کێڵگەیەک لە نزیکی کۆگای پاڵاوگەکەن و مەترسی سووتانیان لەسەرە.
بەرگری شارستانمی تا ئێستا هۆکاری کەوتنەوەی ئاگرەکەی ئاشکرا نەکردووە.
