چوار وەزير سەبارەت بە هەنگاوەکانی چاکسازی دەچنە پەرلەمانی کوردستان

SNN

بڕيارە ئەمڕۆ و سبەينێ چوار وەزيری حکومەتی هەرێم بچنە پەرلەمانی کوردستان و لەگەڵ ليژنەی دارايی کۆببنەوە لەبارەی جێبەجێکردنی هەنگاوەکانی راپۆرتی دووەمی چاکسازیی و وەڵامی چەند پرسیارێک دەدەنەوە.

ئەمڕۆ دووشەممە رێبەر ئەحمەد، وەزیری ناوخۆ و شۆڕش ئیسماعیل، وەزیری پێشمەرگەی حکومەتی هەرێمی کوردستان، بە جیا سەردانی لیژنەی دارایی پەرلەمان دەکەن و تاوتوێی هەنگاوەکانی راپۆرتی دووەمی چاکسازی تاوتوێ دەکەن.

بۆ هەمان مەبەست رۆژی سێشەممە 18ی ئەم مانگە ئاوات شێخ جەناب، وەزیری دارایی و ئابووری و عەبدوڵڵا مەحموود، وەزیری شەهیدان و ئەنفالکراوان میوانی لیژنەی دارایی دەبن.

بڕياريشە لەپاش کۆتايهاتنی کۆبوونەوەکان ليژنەی دارايی راپۆرتێک لەسەر ئەنجامی کۆبوونەوەکان ئاماددەبکات و بيداتە سەرۆکايەتی پەرلەمان.