لەکاتی کارکردندا هاووڵاتییەک لە قەڵادزێ خنکا

محەمەد مستەفا SNN

ئێوارەی شەممە 16ی ئایار، لە گوندێکی قەڵادزێ هاووڵاتیەک دەکەوێتە ناو حەوزێکی ئاوە و دەخنکێت.

شۆڕش ئیسماعیل ووتەبێژی پۆلیسی راپەڕین بە SNN ی راگەیاند: ئێوارەی ئەمڕۆ تەرمی پیاوێکی تەمەن 72 ساڵی دانیشتووی گەڕەکی راپەڕینی قەڵادزێ کە پیشەی کاسب بووە، گەیەنراوەتە نەخۆشانەی گشتی قەڵادزێ.

ووتیشی ” هۆکاری گیان لە دەستدانی ئەو هاووڵاتیە بەهۆی کەوتنە ناو حەوزێکی ئاو بووە لە گوندی (بنەوشان)ی قەڵادزێ، لە کاتێکدا قوربانیەکە لە کاتی کارکردن لە باخێکی گوندەکەدا و لە نزیک ئەو حەوزە ویستویەتی پشوو بدات، بەڵام دواتر کەوتۆتە ناو حەوزەکە و خنکاوە ”

باسی لەوەشکرد: دوای پشکنینی توێکاری، تەرمەکەی رادەستی کەس و کاری کراوەتەوە و پۆلیسی راپەڕین دەستی کردووە بە لێکۆڵینەوەی زیاتر لە رووداوەکە .