ئیسرائیل: ئەگەری سەرهەڵدانەوەی شەڕ لە غەزە هەیە

SNN

وەزیری بەرگری ئیسرائیل رایگەیاند “کەرتی غەزە شوێنێکی زۆر هەستیارە و ئەگەری سەرهەڵدانەوەی شەڕ لەو ناوچەیە هەیە لە هەر ساتەوەختێکدا”.

بێنی گانتس، وەزیری بەرگری ئیسرائیل لە لێدوانێکیدا بۆ کەناڵی ١٣ی ئیسرائیلی وتی “کەرتی غەزە وەکو بۆمبێکی تەوقیتکراو وایە، بەڵام سوپای ئیسرائیل ئامادەباشییان پێکراوە بۆ رووبەڕووبوونەوەی هەر ئۆپراسیۆنێک”.

لەبارەی بەکارهێنانی میزەڵانی ئاگرین لەلایەن بزووتنەوەی حەماس وەک رێگایەکی نوێی هێرشکردنەسەر سەربازانی ئیسرائیلی، گانتس وتی “لەدوای دوایین ئۆپراسیۆنمان وتوومانە، رێگە نادەین دۆخەکە وەکو خۆی بمێنێت و هێرشی لەو جۆرەش قبوڵ ناکەین”.

وتیشی “بەردەوام دەبین لە هێرشەکانمان بۆ سەر بزووتنەوەی حەماس”.