سەرۆکی هايتی تيرۆرکرا

SNN

سەرۆکوەزيرانی هايتی رايگەياند: “شەوی رابردوو سەرۆکی ئەو وڵاتە لەلايەن ژمارەیەک چەکداری نەناسراوەوە لە شوێنی مانەوەی کوژراوە و ژنەکەشی بريندارکراوە”.

کلاودی جۆزێپ سەرۆکوەزيرانی هايتی ئاماژەی بەوەکرد: “پۆليس و هێزەکانی ئاسايش دەستيان بە لێکۆڵينەوە کردووە لە رووداوەکە و لە ئێستادا دۆخەکە لەژێر کۆنتڕۆڵدايە، ژنی جۆڤينێل مۆيسی سەرۆکی ئەو وڵاتە بە سەختی برينداربووە و لە نەخۆشخانەيە”.

کلاود جۆزێف، سەرۆکوەزیرانی ھایتی کە ئێستا وەک سەرۆکی وڵات دەستبەکارە، سەرکۆنەی ھێرشەکەی کرد، وتيشی “هێرشەکە کاتژمێر 1ی شەو ئەنجامدراوە و هەندێک لەوانەی کە هێرشەکەیان کردووە، بەئیسپانی قسەیانکردوە، سەرەتا سەرۆک بەخەستی برینداربوە و دواتر مردووە”.

جۆڤينێل مۆيسی تەمەنی 53 ساڵە و لە ساڵی 2016ەوە سەرۆکی هايتييە و 42يەمين سەرۆکی ئەو وڵاتەيە.

هايتی دەکەوێتە هەرێمی کاريبی لە ئەمريکای ناوەند و سێيەم گەورەترين وڵاتی ئەو هەرێمەيە.