تۆمەتبارێك كە دزی لە داپیری كردبوو دەستگیركرا

SNN

پۆلیسی سلێمانیی تۆمەتبارێکی دەستگیرکرد کە بڕی 19 هەزار دۆلاری لە داپیری دزی بوو.

بەڕێوەبەرایەتی پۆلیسی پارێزگای سلێمانی – ڕاگەیاندن و پەیوەندییەكان ئەمڕۆ 19ی ئایار، بڵاویکردەوە: “هاوڵاتییەك سكاڵای لە بەشی پۆلیسی نەهێشتنی تاوان تۆماركرد كە پارەی لێبراوە، دوای وەرگرتنی بڕیاری دادوەر و چونی تیمەكانی بەشی پۆلیسی بەڵگەی تاوان و نەهێشتنی تاوان بۆ ماڵی سكاڵاكار تۆمەتبارەکەیان دەستگیرکرد، کە کوڕەزای سکاڵاکارە”.

بەپێی ماددەی 444 لە یاسای سزادانی عیراقی .

ئەوەشی خستووەتەڕوو: “تۆمەتبارەکە (ن ، أ، خ) لەدایکبووی ساڵی 1995ە و دانیشتووی شاری سلێمانییە، دوای دەستگیرکردنی بە پێی ماددەی 444 لەیاسای سزادانی عێراقی، دەستگیراوە بەسەر 10 هەزار دۆلاردا کە شاردبوویەوە و باقی پارەکەشی بۆ خۆی خەرج کردووە”.

روونیشکراوەتەوە: “تۆمەتبار كە چەند جارێك و بەناوی سەردانیكردن چۆتە ماڵی داپیرەی دانی ناوە بەتاوانەكەیدا كە بڕی 19 هەزار دۆلاری بردووە”.