9 کەس لە سلێمانی و کەسێک لە هەولێر تووشی کۆرۆنا دەبێت
کۆرۆنا
SNN
وەزارەتی تەندروستی هەرێم 19ی ئایار، 9 تووشبووی نوێی ڤایرۆسی کۆرۆنا لە سلێمانی و تووشبوویەک لە هەولێر راگەیاند.
لە بەردەوامی پشکنینەکان و گەڕان بەدوای گومانلێکراوان، دە تووشبووی دیکەی ڤایرۆسی کۆڕۆنای نوێ COVID-19 لە هەرێمی کوردستان دەستنیشانکران، یەکێکیان پیاوێکی تەمەن (44) ساڵ تووشبووی نوێ یە و نیشانەکانی نەخۆشی هەیە و دانیشتووی گەڕەکی قەتەوی شاری هەولێرە.
نۆ تووشبووەکەی تر لە پارێزگای سلێمانی کە چواریان ئافرەتن تەمەن (53)، (52)، (29)، (24) ساڵ و چواریان پیاون تەمەن (53)، (36)، (34)، (30) ساڵ و کچێكی گەنجی تەمەن (15) ساڵ هەموویان دانیشتووی ناو شاری سلێمانین، هەشت لەوان بەرکەوتەی تووشبووانی پێشوون و یەکێکیان تووشبووی نوێ یە و نیشانەکانی نەخۆشی هەیە.
