نرخی نەوت بەرزترین ئاستی لە ماوەی دوو مانگدا تۆمارکرد

سەرلەبەیانی ئەمڕۆ نرخی نەوت بەرزترین ئاستی لە ماوەی دوو مانگدا تۆمارکرد و نرخی بەرمیلێک نەوتی خاوی برێنتیش بە 34 دۆلار و 98 سەنت مامەڵەی پێوەکرا.

هاوکات نرخى بەرميلێک نەوتی خاوی ئەمريکيش بە 32 دۆلار و 18 سەنت فرۆشرا.

بەرزبوونەوەی نرخی نەوت بەهۆی کەمکردنەوەی ئاستی بەرهەمهێنانی نەوتە لەلایەن وڵاتانی بەرهەمهێنەوە، ئەمەش دوای ئەوە دێت ٢٠ی نيسانی ئەمساڵ، نرخی نەوتی خاوی ئەمريکی بۆ يەکەمجار لە مێژوودا بۆ ٣٧ دۆلار لە خوار سفرەوە دابەزی.

هاوکات، لە مانگی ئازاردا، نرخی نەوت لە بازاڕەکانی جیهاندا نزمترين ئاستی لە دوای ساڵی ٢٠٠٢ تۆمارکرد، بە جۆرێک نرخی یەک بەرمیل نەوتی خاوی برێنت لە خوار ٢٥ دۆلارەوە مامەڵەی پێوەدەکرا.