لەمەودوا مۆڵەتی شۆفێری نێودەوڵەتی لە هاتووچۆی پارێزگاکان دەدرێت

SNN

بەڕێوەبەرایەتی ھاتووچۆی پارێزگای سلێمانی رایگەیاند: لە سەرەتای ساڵی نوێوە مۆڵەتی شۆفێری نێودەوڵەتی لە بەڕێوەبەرایەتییەکانی ھاتووچۆی پارێزگاکان دەردێت.

عەقیدی ھاتووچۆ بەختیار محمد وتەبێژی ھاتووچۆی پارێزگای سلێمانی بە ماڵپەڕی هاتووچۆی سلێمانی ڕاگەیاند :لە رۆژی 3ی کانوونی دووەمی 2022ەوە مۆڵەتی شۆفێری نێودەوڵەتی لە بەڕێوەبەرایەتییەکانی ھاتووچۆی پارێزگاکان دەدرێت بە ھاوڵاتیان.

روونیکردەوە، پێشتر تەنھا لە دەسەڵاتی بەڕێوەبەرایەتی گشتی ھاتووچۆی ھەرێمدا بووە، بەڵام ھەر ھاووڵاتییەک کە خوازیاری بەدەست ھێنانی مۆڵەتی شۆفێری نێودەوڵەتییە دەتوانێت لەو وادەیەوە سەردانی بەڕێوەبەرایەتی ھاتووچۆی سلێمانی بکات.