جۆ بايدن: ئەگەر دۆخی تەندروستیم باشبێت 2024 خۆم کانديد دەکەم
SNN
جۆ بایدن سەرۆکی ئەمریکا رایگەیاند :ئەگەر رەوشی تەندروستیم باش بێت، ئەوا بۆ هەڵبژاردنە سەرۆکایەتییەکەی ساڵی 2024 خۆم کاندید دەکەمەوە.
جۆ بایدن سەرۆکی ئەمريکا لە دیمانەیەکیدا لەگەڵ کەناڵی ABC لە وەڵامی پرسیارێکدا کە ئایا بیر لە خۆکاندیدکردن دەکاتەوە وتی: “من مرۆڤێکم زۆر رێز لە قەدەر دەگرم قەدەر لە ژیانی مندا زۆر جار دڵنەوایی بووە، ئەگەر وەک ئێستا ئەو کاتەش رەوشی تەندروستییم باش بێت خۆم کاندید دەکەمەوە”.
سەرۆکی ئەمریکا لە وەڵامی پرسیاری پێشکەشکار، دەیڤد مۆیر-دا کە ئایا دووبارە دەیەوێت رکابەرایەتی دۆناڵد ترەمپ بکاتەوە یان نادەڵێت: “ئەگەر کاندید بێت بۆچی کێبڕکێ بەرامبەر ترەمپ نەکەم، ئەو کێبڕکێیە چاوەڕوانییەکان زیاتر دەکات”.
پێشتر کۆشکی سپی ئاماژەی بەوە کردبوو: جۆ بایدن لە 2024 تەمەنی دەبێتە 81 ساڵ نیازی خۆکاندیدکردنەوەی هەیە.
جۆ بايدن لە هەڵبژاردنەکانی ساڵی 2020ی ئەمريکا کانديدی سەرۆکايەتی ئەمريکا بوو رکابەرييەکی توندی هەبوو لەگەڵ دۆناڵد تڕەمپ سەرۆکی پێشووی ئەو وڵاتە و توانی سەرکەوت بەدەست بهێنێت و لە مانگی يەکی 2021 وەک 46ەمين سەرۆکی ئەمريکا دەسبەکاربوو.
