یەختێکی دیکەی کۆچبەران بە 105 کەسەوە ژێرئاو کەوت

SNN

بەشێک لە میدیاکانی یۆنان درەنگانی شەوی رابردوو رایانگەیاند، کە یەختێک بە 105 سەرنشینەوە ژێرئاو کەوتووە، لەلایەن پۆلیسی دەریاوانی یۆنانەوە توانراوە بەشێکیان رزگاربکرێت.

پۆلیسی یۆنان ئاماژە بەوەشدەکات، کە رووداوی نوقمبوونی بەلەمەکە لە نزیک دورگەی ئانتیکیترا، روویداوە کەشتییەکە لە تورکیاوە بەرەو یۆنان بەرێکەووە، بەڵام بەهۆی نەشارەزاییەوە خۆیان کیشاوە بە بەردانەی لە نزیک دورگەی ئانتیکیترا، بەمەش کەشتییەکەیان نوقمبووە.

راشیگەیاندووە: بە پێی وتەی سەرنشینانی یەختەکە ئەوان کاتێک ڕێککەوتوون 105 سەرنشین بوون و 90 کەسیان دوای ڕووداوەکە ڕزگارکراون، بەڵام چارەنووسی زیاتر لە 10 کەسی دیکە دیار نییە، لەکاتی ئێستاش هیشتا روون نییە کە چەند سەرنشین لەو خەتەدا کوردبوون، چاوەڕوان دەکرێت پۆلیسی یۆنان بە فەرمی روونکردنەوە بدات.