لەناو ناوچەی سەوزی بەغدا و سەرجەم وێنەکانی ئەبومەهدی موهەندیس لابران

SNN

هێزە ئەمنییەکانی عێراق لە ناوچەی سەوزی بەغدا، شەوی رابردوو لەگەڵ بەرەبەیانی ئەمڕۆ شەممە رێکارە ئەمنی و سەربازییەکانیان لە ناوچەی سەوزی بەغدا توندوتۆڵکردەوە بەتایبەتی لە نزیک باڵیۆزخانەی وڵاتان.

ئەم بڵاوەپێکردنی هێزانە لە ناوچەی سەوزی بەغدا دوای ئەوەدێت کە سەرجەم وێنە و پۆستەرەکانی ئەبومەهدی موهەندیس لە ناوچەی سەوزی بەغدا لابرا، ئەمەش بووە هۆی توڕەکردنی چەکدارانی حەشدی شەعبی و کۆبوونەوەیان لە نزیک ناوچەی سەوزی بەغدا، ئەو هێزەی کە لە ئامادەباشیدان هێزی بەرپەرچدانەوەی خێران بۆ روودانی هەر ئەگەرێکی نەخوازراو بۆ سەر ناوچەی سەوز بەغدا.

قاسم سلێمانی فەرماندەی فەیلەقی قودسی سەر بە سوپای پاسدارانی ئێران، لەگەڵ ئەبومەهدی موهەندیس جێگری سەرۆکی دەستەی حەشدی شەعبی عێراقی، لە 3ی کانوونی دووەمی ساڵی 2020، لە کاتی هاتنە دەرەوەیان لە فرۆکەخانەی بەغدا، لەلایەن دوو فڕۆکەی بێ فرۆکەوانی ئەمریکییەوە بە چەند مووشەکێک کرانە ئامانج و کوژران.