جۆو بایدن” پوتین بڕیاری کۆتایی لەبارەی هێرشکردنە سەر ئۆکرانیا داوە”
جۆو بایدن، سهرۆكى ئهمریكا | فۆتۆ: AP
SNN
جۆو بایدن سەرۆکی ویلایەتە یەکگرتووەکانی ئەمریکا، ئەمڕۆ شەممە لە وتاری هەفتانەیدا رایگەیاند: سەرۆکی روسیا بڕیاری خۆیداوە بۆ هێرشکردنەسەر ئۆکرانیا و من باوەڕی تەواوم بەوە هەیە کە پلانی داگیرکردنی ئۆکرانیا دەستپێدەکات، بەتایبەت کە دەزگاکانی راگەیاندنی روسیا چەندینجارە بانگەشەی پێشێلکاری لە ناوچەی دونباس و پلانێکی ئۆکرانیا بۆ هێرشکردنەسەر روسیا دوپاتدەکەنەوە.
بایدن وتیشی” تێبینی ئەنجامدانی چەندین پێشێلکاریمان کردوە کە لەلایەن گروپە جوداخوازەکانی نزیک لە روسیا ئەنجام دراون، لەم کاتەشدا هێزەکانی روسیا پلانێک ئامادە دەکەن بۆ هێرشکردنەسەر ئۆکرانیا لە رۆژانی داهاتوودا و داگیرکردنی شاری کیڤی پایتەختی ئۆکرانیا بەئامانج دەگرن، لە بەرامبەردا هاوپەیمانان و ئێمە و هەروەها ناتۆش ئامادەیە بۆ پارێزگاری لە هەموو خاکی ئەندامانی هاوپەیمانییەکە”.
