“بهرزبوونهوهى نرخ شتێكه هاووڵاتییان خۆیان دروستیان كردووه”
كۆگایهكى خۆراك له سلێمانى | فۆتۆ: SNN
SNN
ئهمڕۆ وهزیرى بازرگانى و پیشهسازى ههرێم دڵنیایی دا له ههبوونى خۆراكى پێویست له كۆگاكاندا و وتى: بهشى شهش مانگ خۆراك له كۆگاكاندا ههیه.
كهمال موسلیم، وهزیرى بازرگانى و پیشهسازى حكومهتى ههرێمى كوردستان ئهمڕۆ سێشهممه 8ى ئازار، له پهراوێزى بهسهركردنهوهى بهشێك له كۆگاكانى خۆراك له ههولێر قسهى بۆ میدیاكان كرد و رایگهیاند، “پێویستناكات هاووڵاتییان بترسن، چونكه نرخى خۆراك جێگیره و كۆگاكانیش پڕن له خۆراك”.
وهزیرى بازرگانى و پیشهسازى حكومهتى ههرێم له میانى قسهكانیدا باسى لهوهشكرد، “لهگهڵ بازرگانان قسهمان كردووه، ئهوان دڵنیایی دهدهن كه بهشى شهش مانگ خۆراك له كۆگاكاندا ههیه، بهردهوامیش دهبن له هێنانى خۆراك، بۆیه بهرزبوونهوهى نرخهكان شتێكه كه هاووڵاتییان خۆیان دروستیان كردووه”.
به وتهى كهمال موسلیم، “بازرگانانى ههرێم دڵنیاییانداوه له ئهگهرى هاوردهنهكردنى بهشێك له خۆراكهكان له رووسیا و ئۆكرانیاوه جێگرهوهیان دهبێت و له وڵاتانى ترهوه هاوردهى دهكهن”.
قسهكانى وهزیرى بازرگانى و پیشهسازى حكومهتى ههرێم لهكاتێكدایه كه نرخى خۆراك له ماوهى چهند رۆژى رابردوودا بههۆى زۆرى خواست لهسهرى زۆرترین بهرزبوونهوهى بهخۆیهوه بینیووه.
