ئەنجامی 150 پشکنینی کۆرۆنا بڵاوکرایەوە
هاووڵاتییەک کە پشکنینی کۆرۆنای بۆ دەکرێت
SNN
قایمقامیەتی قەزای دوکان رایگەیاند، ئەنجامی 150 پشکنینی کۆرۆنا لە سنورەکەدا نێگەتیڤ دەرچوون.
قایمقامیەتی قەزای دوکان ئەمڕۆ 21ی ئایار لە راگەیەندراوێکیدا بڵاویکردەوە: “ئەمڕۆ ئەنجامی ئەو پشكنینانە دەرچوو كەلەچەند ڕۆژی ڕابردوودا تیمی نەخۆشخانەی دوكان ئەنجامیانداو 100 ھاوڵاتی لەناوەندی قەزای دوكان و 50 ھاوڵاتیش لەناحییەی خەلەكان بەشداریان پێكراو بەپێی ئەنجامەكانیش ھەموو پشكنینەكان نێگەتیڤ بوون”.
ئاماژەی بەوەشکردووە: لە ئێستادا هیچ حاڵەتێکی کۆرۆنا لە سنوری دوکان بوونی نیە.
قائیمقامییەتی قەزای دوكان سوپاس و پێزانینی ئاراستەی هاووڵاتیان و تیمە تەندروستییەکان دەکات و دەڵێت “لە ماوەی ڕابردودا ڕۆڵی بەرچاویان ھەبووە لە بەرگری لە بڵاوبوونەوەی ڤایرۆسی كۆرۆنا و بە خەمخۆری ھەمووان سنورەكەمان بێ زیان مایەوە “.
