دژه‌تیرۆرى كوردستان ژماره‌ى قوربانیانى ته‌قینه‌وه‌كه‌ى هه‌ولێرى ئاشكرا كرد
هه‌نووكه | فۆتۆ: SNN
SNN
كه‌مێك له‌مه‌وبه‌ر دژه‌تیرۆرى هه‌رێمى كوردستان ژماره‌ى قوربانیانى ته‌قینه‌وه‌كه‌ى هه‌ولێرى ئاشكرا كرد له راگه‌یه‌نراوێكدا و رایگه‌یاند، “له‌ڕێگه‌ى درۆنه‌وه هێرشكراوه‌ته سه‌ر رێگاى سه‌ره‌كى پیرمام – هه‌ولێر و له ئه‌نجامدا سێ هاووڵاتى سڤیل برینداربوون”.
له راگه‌یه‌نراوه‌كه‌دا كه كه‌مێك له‌مه‌وبه‌ر بڵاوكراوه‌ته‌وه دژه‌تیرۆرى هه‌رێمى كوردستان ئاشكرایكردووه، “په‌لاماره‌كه‌ی ئه‌مشه‌و بۆ سه‌ر رێگه‌ی سه‌ره‌كی هه‌ولێر پیرمام له رێگه‌ی درۆنی بۆمبڕێژكراو بووه. په‌لاماره‌كه كاتژمێر (09:35) خوله‌كی ئه‌مشه‌و بووه و له ئاكامدا سێ هاووڵاتی به سووكی بریندار بوون”.
ئه‌مشه‌و پێنجشه‌ممه له‌ڕێگه‌ى فڕۆكه‌ى بێفڕۆكه‌وانه‌وه هێرشكرایه سه‌ر رێگاى پیرمام هه‌ولێر، هاوكات بیناى نوێى باڵیۆزخانه‌ى ئه‌مریكا له هه‌ولێر كرایه ئامانج.
