پەرلەمانی کوردستان لەسەر گرانی بازاڕ و به‌رزبوونه‌وه‌ى نرخی پێداویستیى کۆدەبێتەوە

SNN

ئەمڕۆ هەینی لە ڕاگەیەندراوێکدا پەرلەمانی کوردستان رایگەیاند:”پشتبه‌ستن به‌ حوكمی بڕگه‌ی (سێیه‌م) له‌ مادده‌ی (18)ی په‌یڕه‌وی ناوخۆی په‌رله‌مانی كوردستان-عێراق، د. ڕێواز فائق سەرۆکی پەرلەمانی کوردستان، بانگهێشتی گشت ئه‌ندامه‌ به‌ڕێزه‌كانی په‌رله‌مان دەکات، بۆ دانیشتنی ژماره‌ (5)ی ئاسایی خولی بەهارەی ساڵی چوارەم له‌ خولی هه‌ڵبژاردنی پێنجه‌می په‌رله‌مانی كوردستان-عێراق، له‌ كاتژمێر (10)ی به‌یانیی ڕۆژی یه‌كشه‌ممه‌ ڕێكه‌وتی 12ی حوزەیران.

به‌رنامه‌ی كاری کۆبوونەوەکە بەمشێوەیەیە:

یه‌كه‌م: خستنه‌ڕوو و گفتوگۆكردنی ڕاپۆرتی لێژنه‌ی (وزه‌ و سامانه‌سرووشتییه‌كان و پیشه‌سازی و بازرگانی) سه‌باره‌ت به‌ (گرانیی بازاڕ و به‌رزبوونه‌وه‌ى نرخی پێداویستیى ڕۆژانه‌ی هاووڵاتییان)، به‌ ئاماده‌بوونی به‌ڕێز وه‌زیرى بازرگانی و پیشه‌سازی، به‌پێی حوكمى بڕگه‌ی (یه‌كه‌م)ى مادده‌ى (66) له‌ په‌یڕه‌وی ناوخۆی په‌رله‌مانى كوردستان.
دووه‌م: خوێندنه‌وه‌ى دووه‌م بۆ پێشنیازه‌یاسای (به‌ركاركردن و هه‌مواركردنی یاسای فیدڕالی و واژۆى ئه‌لیكتڕۆنی و مامه‌ڵه‌ ئه‌لیكتڕۆنییه‌كان، ژماره‌ (78)ى ساڵی 2012، به‌پێی حوكمى مادده‌كانی (٩٧،٨٩،٨٨،٨٧) له‌ په‌یڕه‌وی ناوخۆی په‌رله‌مانی كوردستان.