“ناكشێینه‌وه له بڕیاره‌كه‌مان و سوپاسى گوێڕایه‌ڵیتان ده‌كه‌م”
كۆبوونه‌وه‌ى سه‌در و په‌رله‌مانتاره‌كانى له حه‌نانه | فۆتۆ: میدیاكانى عێراق
SNN
میدیاكانى عێراق ناوه‌ڕۆكى كۆبوونه‌وه‌ى موقته‌دا سه‌در و په‌رله‌مانتاره‌كانى ئاشكرا كرد و رایانگه‌یاند، “سه‌در به په‌رله‌مانتاره‌كانى راگه‌یاندووه كه ناكشێنه‌وه له بڕیاره‌كه‌یان”.
ئه‌مڕۆ چوارشه‌ممه كۆبوونه‌وه‌ى موقته‌دا سه‌در، سه‌رۆكى ره‌وتى سه‌در و په‌رله‌مانتاره‌كانى له حه‌نانه به‌ڕێوه‌چوو كه یه‌كه‌مین كۆبوونه‌وه‌یان بوو له‌دواى بڕیارى ده‌ستله‌كاركێشانه‌وه به‌كۆمه‌ڵه‌كه‌یان.
پێگه‌ى (بغداد اليوم) له‌باره‌ى ناوه‌ڕۆكى كۆبوونه‌وه‌كه‌وه له‌سه‌رزارى سه‌رچاوه‌یه‌كى ئاگادار ئاشكرایكردووه، “موقته‌دا سه‌در به په‌رله‌مانتاره‌كانى كوتله‌كه‌ى راگه‌یاندووه هیچ ئه‌گه‌رێك نییه بۆ كشانه‌وه له بڕیارى ده‌ستله‌كاركێشانه‌وه به‌كۆمه‌ڵه‌كه و گه‌ڕانه‌وه بۆ پرۆسه‌ى سیاسى”.
هه‌ر له‌وباره‌یه‌وه ئه‌مڕۆ حه‌یده‌ر عامرى، یه‌كێك له په‌رله‌مانتاره ده‌ستله‌كاركێشاوه‌كانى كوتله‌ى سه‌در له هه‌ژمارى تایبه‌تى خۆى له تۆڕى كۆمه‌ڵایه‌تى تویته‌ر رایگه‌یاند، “گه‌ڕانه‌وه بۆلاى گه‌نده‌ڵكاران نییه و ئه‌مه‌ش یه‌كلابووه‌ته‌وه”.
كۆبوونه‌وه‌ى ئه‌مڕۆى حه‌نانه له‌دواى ده‌ستله‌كاركێشانه‌وه‌ى به‌كۆمه‌ڵى په‌رله‌مانتارانى كوتله‌ى سه‌در دێت له ئه‌نجوومه‌نى نوێنه‌رانى عێراق له‌سه‌ر فه‌رمانى موقته‌دا سه‌رد، سه‌رۆكى ره‌وتى سه‌در.
