سێ كه‌س له سلێمانى به كۆلێرا گیانیان له‌ده‌ستدا
سامان به‌رزنجى، وه‌زیرى ته‌ندروستیى هه‌رێم | فۆتۆ: SNN
SNN
وه‌زیرى ته‌ندروستيى حكومه‌تى هه‌رێمى كوردستان رایگه‌یاند، سێ كه‌س له سلێمانى به كۆلێرا گیانیان له‌ده‌ستداوه، ده‌شڵێت: “10٪ى ئه‌وانه‌ى كه تووشى سكچوونبوون پشكنینى كۆلێرایان بۆ ده‌كرێت”.
سامان به‌رزنجى، وه‌زیرى ته‌ندروستيى حكومه‌تى هه‌رێمى كوردستان ئه‌مڕۆ دووشه‌ممه له كۆنگره‌یه‌كى رۆژنامه‌وانى هاوبه‌شدا له‌گه‌ڵ سه‌باح هه‌ورامى، به‌ڕێوه‌به‌رى ته‌ندروستیی سلێمانى له شارى سلێمانى رایگه‌یاند، “به‌داخه‌وه بڵاوبوونه‌وه‌ى كۆلێرا زۆر ته‌شه‌نه‌ى كردووه و تاوه‌كو ئێستاش سێ كه‌س له سلێمانى به‌و په‌تایه گیانیان له‌ده‌ستداوه”.
وتیشى: “ئێمه رێكارى پێویست ده‌گرینه‌به‌ر و ده‌رمانمان هێناوه بۆ سلێمانى، 10٪ى ئه‌وانه‌شى كه تووشى سكچوونبوون پشكنینى كۆلێرایان بۆ ده‌كرێت”.
به وته‌ى وه‌زیرى ته‌ندروستیی حكومه‌تى هه‌رێم، “كه‌مبارانى و وشكه‌ساڵى یه‌كێكه له هۆكاره‌كانى بڵاوبوونه‌وه‌ى په‌تاى كۆلێرا”.
سامان به‌رزنجى له كۆتایی قسه‌كانیدا، “داواى له هاووڵاتییان كرد خۆیان بپارێزن و پابه‌ندى رێنماییه ته‌ندروستییه‌كان بن بۆ ئه‌وه‌ى ته‌ندروست باش بن”.
