مهسعود بارزانى مهرجى خۆى بۆ بهشدارى له پرۆسهى سیاسى عێراق راگهیاند
كۆبوونهوهى باڵیۆزی دانیمارك لە عێراق و سهرۆكى پارتى دیموكراتى كوردستان | فۆتۆ: بارهگاى بارزانى
SNN
لهمیانى كۆبوونهوهى لهگهڵ باڵیۆزی دانیمارك لە عێراق سهرۆكى پارتى دیموكراتى كوردستان مهرجى خۆى بۆ بهشدارى له پرۆسهى سیاسى عێراق راگهیاند و وتى: “مەرجەكانی هەرێم بۆ پڕۆسەی سیاسیی عێراق پابەندبوونی لایەنە سیاسییەكانی عێراقە بە هەرسێ پڕەنسیپی شەراكەت و هاوسەنگی و سازان”.
بارهگاى بارزانى ئهمڕۆ سێشهممه 22ى حوزهیران، بهیاننامهیهكى بڵاوكردهوه لهسهر ناوهڕۆكى كۆبوونهوهى مهسعود بارزانى، سهرۆكى پارتى دیموكراتى كوردستان و باڵیۆزی دانیمارك لە عێراق كه تێیدا هاتووه، “ئهمڕۆ لە سەڵاحەددین سەرۆك مەسعود بارزانی پێشوازی لە ستیج پاولو بیراس، باڵیۆزی دانیمارك لە عێراق كرد كە بەبۆنەی كۆتایهاتنی ئەركەكانی لە عێراق و ماڵئاوایی سەردانی سەرۆك بارزانی كردبوو”.
له بهیاننامهكهدا ئهوهش روونكراوهتهوه، “لە دیدارەكەدا باڵیۆزی دانیمارك لە عێراق پێزانینی بۆ رۆڵی سەرۆك بارزانی لە مێژووی بزووتنەوەی رزگاریخوازی كوردستان هەبووە و سوپاسی حكوومەتی هەرێمی كوردستانیشی كرد بۆ هاوكاری و هەماهەنگی لەگەڵ حكوومەتی دانیمارك لەبارەی ئەو دوو هاووڵاتییەی دانیماركی كە ماوەیەك پێش لە هەرێمی كوردستان تووشی گرفت هاتبوون”.
لهبارهى گفتوى ههردوو لا لهسهر دۆخى سیاسى عێراق له بهیاننامهكهدا ئهوهش روونكراوهتهوه، “هەر لەو كۆبوونەوەیەدا بارودۆخی سیاسیی عێراق و تەحەددیات و ئاستەنگەكانی بەردەم پڕۆسەی سیاسیی عێراق تاوتوێ كرا و سەرۆك بارزانی لەبارەی بەشداریی هەرێم لە حكوومەتی داهاتوو و پڕۆسەی سیاسیی عێراق جەختی لەوە كردەوە كە مەرجەكانی هەرێم بۆ پڕۆسەی سیاسیی عێراق پابەندبوونی لایەنە سیاسییەكانی عێراقە بە هەرسێ پڕەنسیپی شەراكەت و هاوسەنگی و سازان”.
مهرجه نوێیهكانى مهسعود بارزانى بۆ بهشدارى له پرۆسهى سیاسى لهكاتێكدایه كه لهماوهى رابردوودا پارتى لهلایهن سهركردهكانى چوارچێوهى ههماههنگییهوه تۆمهتبار كراوه به تێكدانى سازان بههۆى بهستنى هاوپهیمانى لهگهڵ سهدر.
هاوكات له ماوهى رابردوودا هادی عامری سەرۆكی هاوپەیمانی فەتح لهمیانى چاوپێكهوتنێكى رۆژنامهوانیدا پلارى له بارزانى گرت و وتى: “ئێمە جەخت لەسەر داواكارییەكانی بارزانی دەكەین لەبارەی پرۆسەی پێكهێنانی حكومەتەوە كە پابەندبوونە بە پرەنسیپەكانی شەراكەت، سازان، هاوسەنگی”.
