“داهاتى پێویست بۆ دابهشكردنى مووچه بهردهسته”
دراوى 25 ههزار دینارى عێراق | فۆتۆ: SNN
SNN
ئهندامێكى پهرلهمانى كوردستان رایدهگهیهنێت، داهاتى پێویست بۆ دابهشكردنى مووچهى ئهم مانگه بهردهسته، دهشڵێت: “پێویسته پێش جهژن مووچه دابهشبكرێت”.
ئهمڕۆ یهكشهممه عهلى حهمهساڵح، ئهندامى پهرلهمانى كوردستان رایگهیاند، “پارەی پێویست بۆ مووچەی ئەم مانگە بەردەستە كە 500 ملیۆن دۆلاری نەوت و 98 ملیۆن دۆلارى داهاتی ناوخۆيە، بۆیه پێویستە پێش جەژن مووچهى كۆى مووچهخۆران دابهشبكرێت”.
ئهندامهكهى پهرلهمانى كوردستان له پهڕهى تایبهتى خۆى له تۆڕى كۆمهڵایهتى فهیسبووك نووسیویهتى، “پارەی پێویست بۆ مووچەی مانگێک 620 ملیۆن دۆلاره، هاوپەیمانان 22 ملیۆن دۆلار دابیندەکەن و راستەوخۆ مووچەی وەزارەتی پێشمەرگەی پێدەدرێت، پارەی پێویست بۆ مووچە کە حکومەتی هەرێم دابینیدەکات 598 ملیۆن دۆلارە، ئهو داهاتی نەوت بۆ مووچە بەکاردێت 500 ملیۆن دۆلارە كه بەردەستە”.
له نووسینهكهیدا ئهوهشى خستووهتهڕوو، ” داهاتی ناوخۆ نزیکەی 218 ملیۆن دۆلارە، بۆ مووچە 98 ملیۆن دۆلارە دەبێت 42 ملیۆن دۆلار داهاتی سلێمانی بێت، 56 ملیۆن دۆلار داهاتی هەولێر، ئێستا بۆ مووچەی مانگی حوزهیران داهاتی پێویست لەبەردەستە و پێویستە دابەشکردنی مووچە دەستپێبکات”!
