پشووی جەژنی قوربان دياريکرا

عەلی حەمەسەعید-SNN

بەبۆنەی هاتنی جەژنی قوربانی پیرۆزەوە حکومەتی هەرێمی کوردستان پشووی جەژنی قوربان ڕادەگەیەنێت،SNNیش وردەکاری ڕۆژانی پشووی جەژنی قوربان ئاشکرادەکات کە نزیکەی هەفتەیەک دەکرێتە پشوو لە داموو دەزگاحکومییەکان.

بەگوێرەی زانیارییەکانی SNN حکومەتی هەرێم لەدوو ڕۆژی داهاتوودا بەفەرمی پشووی جەژنی قوربان دیاری دەکات، بەجۆرێک، رۆژی شەممە 9/7/2022 یەکەم ڕۆژی جەژنی قوربانە و بۆماوەی چوار ڕۆژ پشووەکە بەردەوام دەبێت وڕۆژی چوارشەممە 13/7/2022  کۆتایی بەپشووەکە دێت.

هاوکات بەپێی، رۆژژمێری پشووەکانی حکومەتی هەرێم کە لە وێبسايتی فەرمی حکومەت بڵاوکراوەتەوە رۆژی 14ی تەموزيش کە رۆی پێنجشەممە دەکات، بەبۆنەی ڕاگەیاندنی کۆماری عێراقەوە پشووی فەرمييە.

لە زانیارییەکانی SNNئەوەشهاتووە کە بەگشتی لەهەرێمی کوردستان بەبۆنەی جەژنی قوربانەوە هەفتەیەک پشوو ڕادەگەیەندرێت ڕۆژی یەک شەممە 17/7/2022 دەوامی فەرمی دەستپێدەکاتەوە.