بەهۆی گڕگرتنی دەواجينێکەوە لە هەڵەبجە 25 هەزار مريشک و جوچکە سوتان
دەواجينەکەی گوندی بەکراوا، وێنە:SNN
عەلی حەمەسەعید-SNN
پێش نیوەڕۆی ئەمڕۆ چوارشەممە لە ئەنجامی دروستبوونی شۆرتی کارەبا لەیەکێک لە دەواجینەکانی بەخێوکردنی مریشک ئاگرکەوتەوە و سەرەڕای سوتانی تەواوی دەواجینەکە، لەهەمان کاتدا زیاد لە 25 هەزار مریشک و جوجکەش سوتاون.
بەگوێرەی زانیارییەکانی SNN پێش نیوەڕۆی ئەمڕۆ چوارشەممە بەهۆی دروستبوونی شۆرتی کارەباوە دەواجینێک لە گوندی بەکراوای سەربە پارێزگای هەڵەبجە ئاگری گرتووە.
ئاماژە بەوەشکراوە: سەرەڕای سوتانی دەواجینەکە و زیانێکی زۆر بە دەواجینەکە کەوتووە بووەتەهۆی سوتان و لەناوچوونی زیاد لە 25هەزار مریشک و جوجکە.
بۆ وەرگرتنی زانیاری زیاتر لەسەر ڕووداوەکە SNN پەیوەندی بە وتەبێژی بەرگری شارستانی هەڵەبجەکرد، ئاماژەیان بەوەکرد بەهۆی سەرقاڵیان بە کوژاندنەوەی ئاگرەکە جارێ نازانن بەوردی هۆکاری ئاگرەکەو قەبارەی زیانەکان چەندە.
