“هه‌ڕه‌شه‌ى دوورخستنه‌وه‌ى بۆریس جۆنسن له پۆسته‌كه‌ى ده‌كرێت”
بۆریس جۆنسن، سه‌رۆكوه‌زیرانى به‌ریتانیا | فۆتۆ: CNN
SNN
سه‌رۆكى پارتى كرێكارانى به‌ریتانیا سه‌رۆكوه‌زیرانى به‌ریتانیا به ئاژاوه‌گێڕ ناوده‌بات و ده‌ڵێت: “ئه‌گه‌ر خۆت ده‌ستله‌كارنه‌كێشیته‌وه خۆمان متمانه‌ت لێوه‌رده‌گرینه‌وه”.
ئه‌مڕۆ پێنجشه‌ممه 7ى ته‌مموز، رۆژێكى مێژوویی بوو بۆ به‌ریتانیا، چونكه پشێويى له‌نێو حكومه‌ته‌كه‌ى بۆریس جۆنسندا دروستبوو و به ده‌ستله‌كاركێشانه‌وه‌ى نه‌دیم زه‌هاوى، وه‌زیرى دارایی ئه‌و وڵاته كه به‌شێك بوو له زنجیره‌ى ده‌ستله‌كاركێشانه‌وه‌كانى حكومه‌تى به‌ریتانیا كه تا ئێستا گه‌یشتووه‌ته 53 به‌رپرسى ده‌ستله‌كاركێشاوه. ئه‌مه سه‌ره‌ڕاى ده‌ستله‌كاركێشانه‌وه‌ى بۆريس جۆنسن، سه‌رۆكوه‌زیرانى به‌ریتانیا له سه‌رۆكایه‌تى حزبه‌كه‌ى كه هه‌ر ئه‌مڕۆ روویدا.
له درێژه‌ى كاردانه‌وه‌ى رووداوه‌كاندا كه‌مێك له‌مه‌وبه‌ر سێر كێرى ستارمه‌ر، سه‌رۆكى پارتى كرێكارانى به‌ریتانیا ره‌خنه‌ى تووندى له بۆریس جۆنسنى سه‌رۆكوه‌زیران گرت و وتى: “جۆنسن ئاژاوه‌گێڕه و تواناى به‌ڕێوه‌بردنى نییه”.
وتیشى: “داواى لێده‌كه‌ین خۆى ده‌ستله‌كاره‌كه‌ى بكێشێته‌وه ده‌نا خۆمان به زۆرینه‌ى ده‌نگ دووریده‌خه‌ینه‌وه”.
سه‌رۆكى پارتى كرێكارانى به‌ریتانیا ئه‌وه‌شى روونكرده‌وه، “ناكرێت رێگه‌بده‌ین بۆریس جۆنسن له پۆسته‌كه‌یدا بمێنێته‌وه و درێژه به‌م دۆخه خراپه بدرێت”.
