هاتووچۆی دهۆک ئاماری قوربانيانی رووداوەکانی هاتووچۆی راگەياند

SNN-عەلی حەمەسەعید

هاوشێوەی پارێزگاكانی دیكەی هەرێم ئەمساڵیش حاڵەتی ڕووداوەكانی هاتووچۆ لە پارێزگای دهۆك لە ئاستێكی بەرزدان و ڕێژەی گیان لەدەستدا و برندار بوون ڕوو لە بەرزین، بە جۆریك تەنها لەماوەی شەش مانگی سەرەتای ئەمساڵ لەكۆی 383 حاڵەتی ڕووداوی هاتووچۆ 520 كەس بوونەتە قوربانی بە جۆرێك 479 كەس بریندار بوون و 41 كەسیش گیانیان لەدەستداوە.

بەگوێرەی ئەو ئامارانەی كە لەبەڕێوەبەرایەتی هاتووچۆی پارێزگای دهۆك بە SNN دراون ئەوەخراوەتەڕوو: لەسەرەتای شەش مانگی ئەمساڵ حاڵەتەكانی ڕووداوی هاتووچۆ لە سنورەكەدا بریتی بووە لە 383 ڕووداوی هاتووچۆ بەوهۆیشەوە 520 كەس بوونەتە قوربانی، لەو ژمارەیەش 479 كەس بریندار بوون و 41 كەسیش گیانیان لەدەستداوە.

ئاماژە بەوەشكراوە: هەر لەماوەی شەش مانگی ڕابردوودا لە كۆی ئەو 41 كەسەی گیانیان لەدەستداوە 14 كەسیان لەڕەگەزی مێ‌ و 27 كەسیشیان لەڕەگەزی نێربوون، هەروەها لە كۆی 479 كەس 117 كەسیان لەڕەگەزی مێ‌ و 362 كەسیشیان لەڕەگەزی نێر بوون، هەرلەوماوەیەشدا پێنج هەزار و 397 ئۆتۆمبێل لە سنووری پارێزگای دهۆك تۆماركراون لەو ژماەیەش 399 ئۆتۆمبێلی تایبەت و 822 ئۆتۆمبێلی بارهەڵگرو 27 ئۆتۆمبێلی كرێ‌ و 123 ئۆتۆمبێلی كشتوكاڵی و 26 ئۆتۆمبێلی بیناسازی بوون.

هەر بەگوێرەی ئامارەكان لەماوەی شەش مانگی ڕابردووی ئەمساڵدا لە سنووری پارێزگای دهۆك شەش هەزار و 290 مۆڵەتی شۆفێری بەهاووڵاتیان دراون، لەو ژمارەیەش هەزار و 145 ژن مۆڵەتی یاسایی لێخورینی ئۆتۆمبێلیان پێدراوە.