حکومەت نیازی هەیە لە بری بەشە خۆراک پارە بداتە هاووڵاتیان
SNN
حکومەتی عێراق نیاز هەیە لە بری بەشە خۆراک راستەوخۆ پارە بداتە هاووڵاتیان و راوێژکارێکی سەرۆک وەزیرانیش رەخنە لەو هەوڵە دەگرێت.
مەزهەر محەمەد ساڵح راوێژكاری سەرۆك وەزیرانی عیراق بۆ كاروباری ئابوریی لە گفتوگۆیەكی رۆژنامەوانیدا باسی لەوەکردووە، ئەنجومەنی وەزیران پێشنیازێكی كردووە بۆ ئەوەی كارتی زیرەك دەربكرێت بۆ ئەوەی لەبری فۆڕمی خۆراك بۆ هاوڵاتیان پارە خەرج بكرێت.
ئاماژەی بەوەشکردووە، عیراق پێویستی بە كاڵا هەیە و ئەوەش پارەی نەختینە دابینی ناكات، هەروەها ئامانجی خۆی ناپێكێت، چارەسەری نەختینە باشتر و ئاسانترە بۆ حكومەت، بەڵام لە بەرژەوەندی هاووڵاتیان نییە.
ئەمەش دوای ئەوەدێت، کە پێشتر بڵاوکرابووەوە ئەنجومەنی وەزیران نیازی هەیە لەبری ماددەكانی ناو فۆڕمی خۆراك، پارە بەسەر هاوڵاتیاندا دابەش بكرێت.
