بههۆى بڵاوبوونهوى ئاوڵهى مهیمون ئوستورالیا بارى لهناكاوى راگهیاند
كهسێكه تووشبوو به ڤایرۆسى ئاوڵهى مهیمون | فۆتۆ: BBC
SNN
حكومهتى ئوستورالیا بارى لهناكاوى تهندروستى راگهیاند بههۆى بڵاوبوونهوهى ڤایرۆسى ئاوڵهى مهیمون.
بهیانى ئهمڕۆ پێنجشهممه 28ى تهمموز، وهزارهتى تهندروستى حكومهتى ئوستورالیا له بهیاننامهیهكدا رایگهیاند، “بههۆى بڵاوبوونهوهى نهخۆشى ڤایرۆسيى ئاوڵهى مهیمون و تووشبوونى 47 كهس به نهخۆشییهكه بڕیارماندا بارى لهناكاوى تهندروستى رابگهیهنین”.
راگهیاندنى بارى نائاسایی بههۆى بڵاوبوونهوهى ڤایرۆسى ئاوڵهى مهیمون له ئوستورالیا لهكاتێكدایه كه له ماوهى رابردوودا رێكخراوى تهندروستیی جیهانى (WHO)، “ڤایرۆسى ئاوڵهى مهیمونى وهك پهتایهكى جیهانى مهترسیدار بۆ سهر ئاسایشى تهندروستى جیهان راگهیاند”.
نهخۆشى ڤایرۆسى ئاوڵه مهیمون نهخۆشییهكه كه دهبێته هۆكارى دهركهوتنى تلۆقه و برینى بچووك لهسهر تهواوى بهشهكانى جهسته و له بنهڕهتدا نهخۆشییهكه كه مهیمونهكان دهیگرن، بهڵام به هۆكارى جیاواز دهگوازرێتهوه بۆ مرۆڤ وهك: بهركهوتنى راستهوخۆ لهگهڵ نهخۆش، ههبوونى برین له جهستهى كهسێكى تهندروست كه بهر كهسێكى بهركهوتوو بكهوێت، بهركهوتنى راستهوخۆى ڤایرۆسهكه لهگهڵ چاو و دهم و ئهندامى زاوزێ و گوێچكه و لوت.
