وەزارەتی پەروەردە بڕیارێکی لەبارەی پۆلی 12 ئامادەییەوە دەرکرد
خوێندکاران لە پۆلدا
SNN
وەزارەتی پەروەردەی حکومەتی هەرێم راگەیەنراوێکی بڵاوکردەوە کە واژۆی ئالان حەمەسەعید وەزیری پەروەردەی لەسەرە ئاماژەی بەوەداوە، ئاماژە بەکۆبوونەوەی ئەنجومەنی وەزارەتی پەروەردە، رۆژی یەکشەممە رێکەوتی 24ی تەمموز، بڕیاردراوە هیچ رێگرییەک نەکرێت لە گواستنەوەی خوێدنکارانی پۆلی 12 لە ئامادەییە حکومەییەکانەوە بۆ ئامادەییە ئەهلیی و ناحکومییەکان.
ئەوەشی خستووەتەڕوو، پێویستە گواستنەوەکە لە چوارچیوەی ئەو رێکارانەدابێت کە بۆ گواستنەوەی خویندکاران هەیە کە بەڕیوەبەرایەتییە گشتی ئەزمونەکان پەیڕەوی دەکات.
ئاماژەی بەوەشداوە، ئەو خوێندکارەی گواستنەوە ئەنجامدەدات لە ئامادەییەکی حکومەییەوە بۆ ئامادەییەی ناحکومی ئەوا ئەگەر کۆنمرەی لە ریزبەندی خوێندکارە یەکەمانبێت ئەوا ئەنجامەکەی لەسەر ئامادەییەکەی پێشووتری رادەگەیەنرێت.
