له دوبز داعش جوتیارێكى ته‌مه‌ن 46 ساڵانى له ماڵه‌كه‌ى خۆیدا كوشت
ئەنەس نایف، قوربانى | فۆتۆ: عیماد جه‌بارى / SNN
SNN – عیماد جەباری
به‌ره‌به‌ریانى ئه‌مڕۆ شه‌ممه لەلایەن ژمارەیەک چەکداری نەناسراوەوە جووتیارێکی گوندی قوشقایە لەقەزا دوبز کوژرا کە هاوکات فەرمانبەری سەرۆکایەتی زانکۆی کەرکوکە.
به‌پێى زانیارییه‌كانى (SNN) كه له پۆلیسی دوبز ده‌ستى كه‌وتوون، “ژمارەیەک چەکداری داعش چوونەتە گوندی قوشقایە و دەستدڕێژی گوللـەیان لە کۆمەڵێک جووتیار کردووە کە لەو کاتەدا چوونەتە سەربان بۆ ئەوەی سەیری چەکدارەکان بکەن”.
هه‌ر به‌پێى زانیارییه‌كان، “فیشەک بەر سینگی یەکێکیان کەوتووە بەناوی (ئەنەس نایف) تەمەن 46 ساڵ و بەهۆی سەختی برینەکەیەوە گیانی لەدەستداوە كه هاوكات فەرمانبەرە لەسەرۆکایەتی زانکۆی کەرکوک”.
