نرخى یهك لیتر بهنزین له ئهڵمانیا بۆ زیاتر له 2 یۆرۆ بهرزبووهوه
وێستگهیهكى سووتهمهنى له ئهڵمانیا | فۆتۆ: WIKIPEDIA
SNN
بهرزبوونهوهى نرخى بهنزین وڵاتانى ئهوروپا و ئهمریكاى بهخۆیهوه سهرقاڵ كردووه و له وڵاتى ئهڵمانیاش ئهمڕۆ ههینى 2ى ئهیلول، نرخى یهك لیتر بهنزین بۆ زیاتر له دوو یۆرۆ بهرزبووهوه.
پێگهى (24RHEIN)ى ئهڵمانى ئێوارهى ئهمڕۆ بڵاویكردهوه، “نرخى یهك لیتر بهنزین 25 سهنت بهرزبووهتهوه و گهیشتووهته 2.02 یۆرۆ. هاوكات نرخى یهك لیتر گازوایل 17 سەنت بهرزبووهتهوه و گهیشتووهته 2.17 یۆرۆ”.
پێگهكه ئهوهشى خستووهتهڕوو، “بهپێى پێشبینى شارهزایان بهرزبوونهوهى نرخى بهنزین بهردهوام دهبێت، بهشێوهیهك پێشبینى دهكرێت له ماوهیهكى نزیكدا بگاته 3 یۆرۆ بۆ ههر لیترێك”.
بهرزبوونهوهى نرخى بهنزیك له ئهڵمانیا لهكاتێكدایه له 1ى حوزهیرانهوه حكومهتى ئهو وڵاته باجى سهر سووتهمهنى بهشێوهیهكى بهرچاو كهمكردووهتهوه بۆ ئهوهى پشتیوانى دابهزاندن و جێگیركردنى نرخى بهنزین و گازوایل بكات.
