پهرلهمانى عێراق له 9 مانگدا 216 ملیارى خهرجكردووه و 2 یاساى پهسهند كردووه
خولى پێنجهمى ئهنجوومهنى نوێنهرانى عێراق | AFP
SNN-عەلی حەمەسەعید
سهرۆكى ئهنجوومهنى راوێژكارى عێراقى رایدهگهیهنێت، له ماوهى 9 مانگى رابردوودا پهرلهمانى عێراق بههۆى دۆخى سیاسییهوه تهنیا دوو یاساى پهسهند كردووه، دهشڵێت: “لهو ماوهیهدا 216 ملیار دینار خهرجى ههبووه”.
ئهمڕۆ ههینى 9ى ئهیلول، فەرهاد عەلائهدین، سەرۆكی ئەنجوومەنی راوێژكاریی عێراقیی و توێژەر لە كاروباری عێراق له ههژمارى تایبهتى خۆى له تۆڕى كۆمهڵایهتى تویتهر رایگهیاند، “نۆ مانگ بەسەر سوێندخواردنى پەرلەمانتاران و هەڵبژاردنی سەرۆكایەتی ئەنجوومەنی نوێنەرانی عێراقدا تێدەڕێت، بەڵام لەئێستادا دانیشتنەكانی پەرلەمان پەکیانکەوتووە و پەرلەمانتارانیش مانگانە 19 ملیار دینار مووچە و دەرماڵە وەردەگرن و هیچ كارێك ناكەن”.
له تویتهكهیدا سەرۆكی ئەنجوومەنی راوێژكاریی عێراقیی ئهوهشى خستووهتهڕوو، “لەماوەی ئەم نۆ مانگەدا بڕی 171 ملیار دینار لە بودجەی گشتی بۆ مووچە و هەروەها بڕی 216 ملیار دینار تێكڕای خەرجی پەرلەمانی عێراقی بووە، بەڵام لەوماوەیەدا تەنيا دوو پرۆژەیاسایان پەسەند کردووە”.
ئهو توێژهره لهبارهى كۆبوونهوهكانى پهرلهمانى عێراق ئهوهشى خستووهتهڕوو، ” لەماوەی نۆ مانگی سوێندخواردنی پەرلەمانتارانی عێراقی تەنیا 12 جار پەرلەمان کۆبووەتەوە، هەروەها سێ جاریش پێشێلی دەستووریان کردووە و زیاتر لە 40 رۆژیشە پەرلەمان دانیشتنی نەکردووە و هەڵپەساردنی دانیشتنەکانیش بەردەوامی هەیە”.
