“دهستبهسهرداگرتنى ماتۆڕ سكیلهكان بهردهوامى دهبێت”
ئومێد خۆشناو، پارێزگارى ههولێر | فۆتۆ: SNN
SNN
پارێزگارى ههولێر رایدهگهیهنێت، پرۆسهى دهستگرتن بهسهر ماتۆڕ سكیلهكانى پارێزگاى ههولێر لهپێناو رێككردنهوهیه و دهشڵێت: “ناكرێت كهسێك كورد نهبێت، مۆڵهتى نهبێت و ماتۆڕهكهشى ژمارهى نهبێت، بهڵام ماتۆڕسوارى بكات”.
ئهمڕۆ سێشهممه 13ى ئهیلول، ئومێد خۆشناو، پارێزگارى ههولێر له پهراوێزى مهراسیمى لێدانى زهنگى ساڵى نوێى خوێندنى 2022 – 2023 وهڵامى پرسیارى میدیاكارانى دایهوه و وتى: “پرۆسهى دهستگرتن بهسهر ماتۆڕ سكیل پرۆسهیهكه تهنیا له ههولێر نییه و بۆ سهرجهم ههرێمى كوردستانه، چونكه بڕیارى وهزارهتى ناوخۆیه. ئهم پرۆسهیه لهپێناو چاكسازى و رێككردنهوهیه، چونكه ئهو ماتۆڕانه بێسهرهتان و بۆ بڕینى قوتى هیچ كهس نییه”.
وتیشى: “رۆژانه دهیان و سهدان تهلهفۆنم بۆ كراوه و پێموتراوه: خهریكه بههۆى ماتۆڕ سكیلهوه ژیان له ههولێر دهوهستێت. ههر میدیاكان بوون دهیان جار راپۆرتیان لهسهر ماتۆڕ سكیلهكان كرد”.
له بهشێكى ترى قسهكانیدا پارێزگارى ههولێر ئهوهى خستهڕوو، “خهڵك ههیه كورد نییه و بیانیه، مۆڵهتى لێخوڕینى نییه و ماتۆڕهكهشى بێ سهرهتایه، ئاخر كهسێكى وا چۆن دهبێت رێگهى بدرێت ماتۆڕ لێبخوڕێت”.
به وتهى پارێزگارى ههولێر، “دهیان حاڵهتى نهخوازراوى دزیكردن بههۆى ئهو ماتۆڕانهوه روویداوه بۆیه گرنگه بهپێى یاسا مامهڵهیان لهگهڵ بكرێت”.
پارێزگارى ههولێر له كۆتایی قسهكاندا جهختى لهسهر ئهوهشكردهوه، “دهستبهسهرداگرتنى ماتۆڕ سكیلى بێ مۆڵهت بهردهوام دهبێت”.
