مامۆستایانی هەڵەبجە بایکۆتی تاقیردنەوەکان رادەگەیەنن

SNN- عەلی حەمەسەعید

سەر لەئیوارەی ئەمڕۆلە باخی گشتی هەڵەبجە ژمارەیەک لە مامۆستایانی قوتابخانە ئامایی و بنەڕەتییەکانی سنوری پارێزگای هەڵەبجە گردبوونەوەو لە کۆنگرەیەکی ڕۆژنامەوانیدا بایکۆتکرنی تاقیکردنەوەکان و ڕادەستنەکردنی پرسیارەکانیان بە ئیدارەی خوێندنگەکان ڕاگەیاند.

لەکۆنگرە ڕۆژنامەوانییەکەد ئەحمەد حسێن، بەناوی مامۆستایانی سنوری پارێزگای هەڵەبجەوە بەیاننامەیەکی ناڕەزایەتی خوێندەوە کەتیایدا ئاماژەی بەوەکرد، پێدانی موچەیەک پێش دەستپێکردنەوەی تاقیکردنەوەکان، جێبەجێکردنی بەڵێنەکانی حکومەت خۆی لە بەپێدانی موچە بە30 ڕۆژ جارێک دەبینێتەوە، لەئەگەری دواکەوتنی مووچەش، دووبارە هەڵوێستی دیکەمان دەبێت.

ئەوەشهاتووە، ڕەتکردنەوی هەر جۆرە دەستکاری کردنێکی موچە و دەرماڵەی مامۆستایان و بڕیاردان بەدەستپێکردنەوەی پلەبرزکردنەوە و پاراستنی شکۆی مامۆستایان بەئەرکی حکومەت دەزانین.

هەر لە بەیاننامەکەی مامۆستایانی هەڵەبجە جەخت لەوەشکرابوویەوە، ئیدانەی هەر جۆرە دەستدرێژییەک بۆ سەر مامۆستایان دەکەین و داوای ئازادکردنی هاوپیشەکانمان دەکەین لەشاری دهۆک، لەئەگەری وەڵامنەدانەوەمان هەڵۆێستی دیکەمان دەبێت بەخۆپیشاندان و فشاری مەدەنی زیاتر.