تەمەنی پەرلەمانی کوردستان درێژکرایەوە

snn-

بە دەنگی 80 پەرلەمانتار تەمەنی پەرلەمانی کوردستان بۆ ماوەی زیاتر لە ساڵێک درێژکرایەوە.

ئەمڕۆ پەرلەمانی کوردستان لەبارەی درێژکردنەوەی خولی پێنجەمی پەرلەمانی کوردستان کۆبووە و تەمەنی پەرلەمانی بۆ ماوەی زیاتر لە ساڵێک درێژکردەوە.

فراکسیۆنەکانی (کۆمەڵ، یەکگرتوو، نەوەی نوێ و بەشێک لە پەرلەمانتارانی گۆڕان) دەنگیان بە درێژکردنەوەی پرۆژەیاساکە نەدا.

پێشتر خوێندنەوەی یەکەم و دووەم بۆ پرۆژە یاسای بەردوامی خولێ پێنجەمی پەرلەمانی کوردستان کرا و ئەمڕۆش پێشنیازە یاساکە بۆ ماوەی ساڵیک زیاتر درێژکرایەوە و بەوەش دەبێتە هەشت جار پەرلەمان تەمەنی خۆی درێژبکاتەوە.

بڕیار بوو 1ی تشرینی یەکەمی ئەمساڵ هەڵبژاردنی خولی شەشەمی پەرلەمانی کوردستان ئەنجامبدرێت، بەڵام بەهۆی ناکۆکیی لایەنەکان لەسەر هەمواری یاسای هەڵبژاردن، لایەنەکان نەگەیشتنە رێککەوتن و هەڵبژارن ئەنجامنەدرا.