دەرچووانی پۆلی 12ی ئامادەیی ئاگاداردەکرێنەوە

SNN-

وەزارەتی بەرگری عێراق ئاگادارییەك بۆ خولی ئەفسەری لە كۆلێژی سەربازی 1ی رۆستەمیە بڵاودەكاتەوە وئاماژە بەوەدەکات کە دەرچووانی ئامادەیی دەتوانن لەڕێگای ماڵپەڕی فەرمی وەزارەتی بەرگری عێراقەوە بە ئۆنلاین فۆڕم پڕ بكەنەوە بۆ دامەزراندن.

وەزارەتی پێشمەرگەی حکومەتی هەرێمی کوردستان بڵاویکردووەتەوە، دوای پەیوەندیکردن و هەماهەنگیی فەریق روکن عیسا عوزێر سەرۆکی ئەرکانی وەزارەتی پێشمەرگە، لەگەڵ وەزارەتی بەرگری عێراق رەزامەندی پێویست وەرگیرا بە وەرگرتنی رێژەیەک لە هاوڵاتیانی کوردستان لە کۆلێژی سەربازی١ رۆستەمیە لە بەغدا، هەرکەسێک ئارەزومەندە دەتوانن لەڕێگەی ماڵپەڕی وەزارەتی بەرگری عێراق بەشێوەی ئۆنلاین فۆڕم پڕ بکەنەوە.

لە راگەیەندراوەکەدا وەزارەتی پێشمەرگە دەشڵێت:”چانسی وەرگیران بەگوێرەی بەرزی نمرەیە و فۆڕمەکانیش لە رۆژی 15ی تشرینی یەکەمی 2022 چالاک دەبن تا 25ی تشرینی یەکەمی 2022، ئارەزوومەندان دەتوانن لەو ماوەیەدا فۆرم پڕ بکەنەوە”.