هۆکاری دەنگە بەهێزەکەی خورماڵ ئاشكرا بوو

SNN- عەلی حەمە سەعید

شەوی رابردوو دەنگی تەقینەوەیەکی بەھێز لە ناحیەی خورماڵی سەر بە پارێزگای ھەڵەبجە بیسترا، دوای بەدواداچوون لێکۆڵینەوەش دەرکەوت کە مووشەک بووە کەوتووەتە خوارەوە.

فەرەیدون محەمەد، بەڕێوەبەری ناحیەی خورماڵ بە (SNN)-ی راگەیاند:” دوای گەڕان و پشکنینی ھێزەکانی یاریدەدەرێتی ئاسایشی شارەزور دەرکەوتووە ئەو دەنگە بەهێزە مووشەک بووە لە نێوان ھەردوو گوندی رۆستەم بەگ و دێکۆن کەوتووەتە خوارەوە”.

تا ئێستا نازانرێت مووشەکەکە لە کوێوە و ئاڕاستە کراوە، بەڵام بە زەویدا رۆچووە و دیار نییە کە تەقیوەتەوە یاخود نا، مووشەکەکە ھیچ زیانێکی گیانی و ماددی لێنەکەوتووەتەوە.

ڤیدیۆى ئه‌و ده‌نگه‌ نامۆیه‌ى له‌ ناحیه‌ى خورماڵ بیسترا