دابهشكردنى مووچهى فهرمانبهرانى عێراق دوا دهكهوێت
دراوى 25 ههزار دینارى عێراق | فۆتۆ: SNN
SNN
ئهندامێكى ئهنجوومهنى نوێنهرانى عێراق رایدهگهیهنێت، بههۆى پهسهند نهكردنى پرۆژه یاساى بودجهوه كێشه بۆ مووچهى فهرمانبهران دروستدهبێت دهشڵێت: “تاوهكو نیسانى داهاتوو پرۆژهیاساى بودجه پهسهند ناكرێت”.
ئهمڕۆ شهممه 22ى تشرینى یهكهم، حهسهن ساعدى، ئهندامى ئهنجوومهنى نوێنهرانى عێراق رایگهیاند، “یهكێك له ئاڵنگارییه گهورهكانى بهردهم حكومهتهكهى محهمهد شیاع سودانى بریتیه له پرۆژهیاساى بودجهى ساڵى 2023 كه تاوهكو ئێستا گفتوگۆى لهسهر نهكراوه”.
ئهو پهرلهمانتاره پرۆژهیاساى بودجه به “ئاڵنگارى” ناودهبات و پێیوایه، “كار نهكردن لهسهرى تا ئێستا له ئایندهدا كێشه بۆ دابهشكردنى مووچه، پرۆژهكان و رهخساندنى ههلى كار دروستدهكات”.
لهبارهى ئامادهكارییهكان بۆ پرۆژه یاساكه ئهو ئهندامهى ئهنجوومهنى نوێنهرانى عێراق ئاماژه بهوهدهكات، “ئهگهر تهنانهت پهرلهمانیش پرۆژه یاساكه ئامادهبكات هیچ حكومهت و وهزارهتێكى دارایی نیه كه بتوانێت پرۆژهكه یاساكه بنێرێته پهرلهمان بۆ پهسهند كردن”.
به وتهى ئهو پهرلهمانتاره، “تاوهكو مانگى نیسانى 2023 عێراق ناتوانێت ببێته خاوهنى پرۆژهیاساى بودجه”.
