لەم وەرزەدا زیاتر لە 100 هەزار کەس لە عێراق و هەرێمەوە گەشتی عومرەیان ئەنجامداوە

SNN

دەستەی باڵای حەج و عومرەی عێراق رایگەیاند، لەسەرەتای دەستپێکردنی وەرزی عومرەوە زیاتر لە ١٠٠ هەزار کەس لە عێراق و هەرێم گەشتی عومرەیان ئەنجامداوە.

دەستەی باڵای حەج و عومرەی عێراق لە راگەیەندراوێکدا باسی لەوەکردووە، ژمارەی ئەو زیارەتكارانەی لە سەرەتای وەرزی عومرەوە گەشتی عومەرەیان ئەنجامداوە گەیشتووەتە 100 هەزار و 198 زیارەتکار.
ئاماژه‌ی به‌وه‌شكرد، زیارەتكاران لەڕێگەی ئاسمانی و وشكانییەوە دابەشكراون، هەروەها لە پرۆسەکەدا زۆرترین زیارەتکار لە بەغدابووە کە نزیکەی 38 هەزار زیارەتکار بوون.

راشیگەیاندووە: هەولێر بە پلەی دووەم دێت کە نزیکەی نۆ هەزار کەس گەشتی عومرەیان ئەنجامداوە.

ئاماژەی بەوەشکردووە، زیاتر لە 41 هەزار گەشتیار لەڕێگای دەروازەی وشکانی عەرعەرەوە گەشتی عومرەیان ئەنجامداوە.