پشکی غازی سلێمانی زيادکرا
SNN
بەڕێوەبەرايەتی نەوت و کانزاکانی سلێمانی دابەشکردنی پشکی غازی بۆ مانگی تشرینی دووەمی ئەمساڵ راگەياند و دەڵێت “پشکی سلێمانی زيادکراوە”.
بەڕێوەبەرايەتی نەوت و کانزاکانی سلێمانی لە راگەيەندراوێکدا بڵاويکردەوە: بۆمانگی تشرینی دووەم 360 بار دێت بۆ پارێزگای سلێمانی وهەڵەبجە وئیدارەی راپەرین بەم شێوەیە دابەش دەکرێت:
ناوشاری سلێمانی. 185 بار
دەرەوەی شاری سلێمانی وپارێزگای هەڵەبجە و ئیدارەی راپەرین 175 بار
ئاماژەی بەوەشکردووە: لەم مانگەوەیەک پشک زیادکراوە کەئەویش لە ناوشاری سلێمانیدا دابەشدەکرێت هەربۆیە پشکی ناوشار بووە بە 185 بار.
لەگەڵ هاتنی وەرزی سەرما خواستی هاووڵاتيان بۆ بەکارهێنانی غاز لە هەرێمی کوردستان زياد دەکات، بەو هۆکارەش ساڵی پار لە زۆينەی شار و شارۆچکەکان قەيرانی غاز دروستبوو نرخکەی بەرزبووە و رێژەکەشی کەمبوو.
