بۆچی لە كۆنگرەی پارتی لە دوای دەنگدان بۆ ئەندامانی سەركردایەتی ڕاستەوخۆ ئەنجامەكان ڕاناگەیەندرێن؟

SNN-عەلی حەمەسەعید

هەرچەندە لە هەموو پرۆسە دیموكراسییەكاندا لەدوای دەنگدان ڕاستەوخۆ دەستدەكرێت بەجیاكردنەوەی دەنگەكان و ڕاگەیاندنی ئەنجامەكان، بەڵام لە كۆنگرەی پارتی دوای ئەنجامدانی دەنگدان بۆ ئەندامانی سەركردایەتی ڕاستەوخۆ ئەنجامەكان ڕاناگەیەندرێت و لە ڕۆژی داهاتوو ناوەكان ئاشكرا دەكەن، SNNیش هۆكارەكەی ئاشكرا دەكات.

بەگوێرەی زانیارییەكانی SNN كە لە ئەندامانی كۆنگرە وەریگرتوون ئەوە خراوەتەڕوو، كۆنگرەی 14ی پارتی ماوەی چوار ڕۆژ دەخایەندرێت، ئەمڕۆ كە یەكەم ڕۆژە (مەسعود بارزانی)بە سەرۆكی پارتی هەڵدەبژێردرێتەوە و سبەینێش پرۆسەی دەنگدان بۆ ئەندامانی سەركردایەتی دەستپێدەكات، بەڵام هەر سبەینێ‌ دەنگەكان جیاناكرێنەوە و ئەنجامەكانیش ڕاناگەیەندرێن.

ئاماژە بەوەشكراوە، هۆكاری ڕانەگەیاندنی ئەنجامی دەنگدان و ئاشكراكردنی ناوی ئەندامانی سەركردایەتی بۆ ئەوە دەگەڕێتەوە كە لەسەر داوای (مەسعود بارزانی) و (مەسرو بارزانی) ئەوەیان پێباش بووە كە بە ئاشكرا ناوەكان ڕانەگەیندرێن بەڵكوو لیژنەیەكی تایبەت سەرپەرشتی جیاكردنەوە و كۆكردنەوەی دەنەكان بكات بۆ ئەوەی ئەوئەندامانەی سەركردایەتی دەردەچن لە باڵی ( مەسروبارزانی) بن و نەهیڵن ئەو كەسانە ببنە ئەندامی سەركردایەتی كە لە باڵی ( نێچیرەڤان بارزانی)ن یاخود نەهیڵن زۆرینەی ئەندامانی سەركردیەتی لە باڵی ئەوبن.

لە زانیارییەكانی SNN ئەوەش هاتووە كە هەر لە ترسی دزەپێكردنی ئەنجامی دەنگەكان جگە لە كەناڵی ( كوردستان تیڤی) مەسعودبارزانی) هیچ دەزگایەكی دیكەی پارتی بۆیە نییە بچێتە ناو هۆڵی كۆنگرە بەڵكوو دەبێت لەدەرەوەی هۆڵەكە ڕووماڵی كۆنگرە بكەن.