سه‌رۆك بافڵ له كۆبوونه‌وه‌ى له‌گه‌ڵ نوێنه‌رى وڵاتان باسى چى كردووه؟
بافڵ جەلال تاڵەبانی، سه‌رۆكى یه‌كێتیی نیشتمانیی كوردستان | فۆتۆ: SNN
SNN
بافڵ جه‌لال تاڵه‌بانى، سه‌رۆكى یه‌كێتیى نیشتمانیى كوردستان ئه‌مڕۆ چوارشه‌ممه 9ى تشرینى دووه‌م، له‌گه‌ڵ نوێنه‌رى وڵاتان له هه‌رێمى كوردستان كۆبووه‌وه.
به‌پێى زانیارییه‌كانى SNN، “له كۆبوونه‌وه‌كه‌دا باس له چه‌ند بابه‌تێكى كراوه كه گرنگترینیان بریتین له، گله‌یی و ره‌خنه‌كانى یه‌كێتيى نیشتمانيى كوردستان له حكومه‌تى هه‌رێم و شێوازى حكومڕانى كابینه‌ى نۆیه‌م به‌تایبه‌تى به‌رامبه‌ر پارێزگاى سلێمانى و هه‌ڵه‌بجه. په‌یوه‌ندییه‌كانى پارتى دیموكراتى كوردستان و یه‌كێتیى نیشتمانیى كوردستان”.
SNN ئه‌وه‌شى زانیووه، “له كۆبوونه‌وه‌كه‌دا باس له دواهەمین گۆڕانکاری و پێشهاتە سیاسیەکانی عێراق و کوردستان كراوه و دۆخى عێراق و مافه‌كانى گه‌لى كورد به‌تایبه‌ت له حكومه‌تى نوێى عێراقدا ئاماژه‌ى پێكراوه”.
پاشنیوه‌ڕۆى ئه‌مڕۆ بافڵ جه‌لال تاڵه‌بانى، سه‌رۆكى یه‌كێتیى نیشتمانیی كوردستان لە بارەگای مەکتەبی سیاسی حزبه‌كه‌ى لە ھەولێر لەگەڵ دیپلۆمات و کونسوڵ و نوێنەرانی وڵاتان له هه‌رێم كۆبووه‌وه.
