بەشێک لە مامۆستا و فەرمانبەرانی رانیە گردبوونەوە

SNN-محەمەد مستەفا

ئەمڕۆ کە هاوکاتە لەگەڵ یەکەم رۆژی جەژندا، بەشێک لە مامۆستایان و فەرمانبەران دژی خراپی دۆخی مووچە خۆران و دواکەوتنی مووچە گردبوونەوە .

عومەر چاوشین چالاکوان و بەشدار بووی گردبوونەوەکە بە SNN ی راگەیاند: گردبوونەوەی ئەوان ناڕەزای دەربڕینە دژی گوزەرانی مووچە خۆران و هاوڵاتیان کە لە ئێستادا مووچەخۆران بەهۆی دواکەوتنی مووچەکانیان لەو پەڕی خراپی گوزەراندان .

وتیشی: “گردبوونەوەکەی ئەوان بەرەنگاریەک بوو دژی راگەیاندنی 72 کاتژمێر قەدەغەی هاتوچۆ و کەرەنتینەکردن کە حکومەت بێ ئەوەی بیر لە ژیان و قووتی هاوڵاتیان بکاتەوە راستەوخۆ بڕیار لە قەدەغەی هاتوچۆ و کەرەنتینەکردن دەدات”.

ئەو چالاکوانە باسی لەوەشکرد: ئەوان وەک مامۆستایان و فەرمانبەران و چالاکوانان کۆڵنادەن و لە رۆژانی ئایندەش دژی دواکەوتنی مووچە خۆپیشاندان ئەنجام دەدەن.