پۆلیسی هەولێر: تۆمەتبارێکمان دەستگیرکرد کە کەسێکی کوشتووە و يەکێکی ديکەی بريندار کردووە

SNN

پۆلیسی هەولێر رایگەیاند، تۆمەتبارێکیان دەستگیرکردووە کە کەسێکی کوشتووە و یەکێکی دیکەی بریندار کردووە.

پۆليسی هەولێر لە روونکردنەوەيەکدا بڵاويکردەوە: دوای بەدواداچوونێکی چڕ و وورد و چاودێریکردنێکی زۆر هێزەکانمان لە بەڕێوەبەرایەتی پۆلیسی پارێزگای هەولێر دوێنێ شەو کاتژمێر 11:30 خولەکی شەو تۆمەتبار (ک. ش. چ.)  دەستگير کرا.

راشيگەياند: تۆمەتبارەکە لە ڕێکەوتی 2022/12/17  لە قەزای خەبات هەڵسابوو بەکوشتنی (ڕێباز حەیدەر) و زامدار کردنی (فەرهاد احمد)، خۆی ڕادەستی هێزەکانمان لە بەڕێوەبەرایەتی پۆلیسی پارێزگای هەولێر کرد.

ئاماژەی بەوەشکردووە: پەڕاوی لێکۆڵینەوە بۆ دۆسيەکە کرایەوە و ڕەوانەی بەردەم دادوەری لێکۆڵینەوە کرا بۆ ئەوەی ڕێڕەوی یاسایی بەرامبەر تۆمەتباری بکوژ بگیرێتە بەر.