بۆ یەکەمجار کۆرۆنا لەشیری دایکێکدا بینرا

SNN-

زاناکانی ئەڵمانیا ڤایرۆسی کۆرۆنایان لەناو شیری دایکێکی شیردەردا دۆزییەوە، بەڵام تائێستا دڵنیا نین کە پەتاکە لەڕێگەی شیردانەوە دەگوێزرێتەوە بۆ کۆرپە یاخود نا.

گۆڤاری نیوزویک-ی ئەمریکی بڵاویکردۆتەوە لە رەچەتەی چەند زانایانی ئەڵمانیدا ئەوە بینراوە کە پاش وەرگرتنی سامپڵی مەمکی ژنە تووشبوویەکی شیردەر دەرکەوتووە ڤایرۆسی کۆرۆنا لەناویدا هەبووە.

زاناکان لەڕۆژی 12 و 13یەمی کەرەنتینەی ژنە شیردەرەکەدا پشکنینیان کردووە و لەڕۆژی 14یەمیشدا دووبارە بۆیکراوەتەوە دەرکەوتووە ڤایرۆسەکە لەناو مەمکەکانیشدا لەناوچووە و نەماوە.

بۆیە لەماوەی مانەوەی مرۆڤدا بۆ 14 رۆژ لەکەرەنتینە، ڤایرۆس لەناو مەمکەکانیشدا هەیە، بەڵام دەرنەکەوتووە هێشتا کە بۆ کۆرپە دەگوازرێتەوە یاخود نا.