وەزیری کاروباری کۆمەڵاتی عێراق: پێش سەری ساڵ هاوکاری دارایی خێزانە کەمدەرامەتەکان دابەشدەکرێت

SNN

وەزیری کار و کاروباری کۆمەڵایەتی عێراق رایگەیاند: پێش ساڵی نوێ هاوکارییە داراییەکان دابەشدەکرێت کە نزیکەی ملیۆنێک و 671 هەزار خێزان لێی سوودمەند دەبن.

ئەحمەد ئەسەدی وەزیری کار و کاروباری کۆمەڵایەتی عێراق رایگەیاند: پێش هاتنی ساڵی نوێ دەستپێکردنی یارمەتییە داراییەکان بۆ خێزانە کەمدەرامەتەکان دابەشدەکرێت.

وتیشی “یارمەتییە داراییەکان بۆ مانگی یەکەمی ساڵی نوێ نزیکەی ملیۆنێک و  671هەزار خێزان دەگرێتەوە و ئەو خێزانانە دەتوانن لە ئێستاوە ئەو هاوکارییە وەربگرن”.

باسی لەوەشکرد: یارمەتییەکان زیاتر لە  361ملیار دینارە و داوا لەو خێزانانە دەکەن کە مەرجەکان دەیانگرێتەوە سەردانیان بکەن بۆ وەرگرتنی هاوکارییەکانیان.